ഫുട്ബോൾ ലോകത്തെ പ്രവചനങ്ങളെയെല്ലാം തെറ്റിച്ചുകൊണ്ട് സ്പെയിനിന് രണ്ടാം ലോകകപ്പ് കിരീടം! ലൂസൈലിൽ നടന്ന വാശിയേറിയ ഫൈനൽ പോരാട്ടത്തിൽ നിലവിലെ ചാമ്പ്യന്മാരായ അർജന്റീനയെ മറുപടിയില്ലാത്ത ഒരു ഗോളിന് കീഴടക്കിയാണ് സ്പാനിഷ്പടലോകഫുട്ബോളിന്റെ നെറുകയിൽ വീണ്ടും മുത്തമിട്ടത്.
2010-ന് ശേഷമുള്ള സ്പെയിനിന്റെ രണ്ടാം ലോകകപ്പ് നേട്ടമാണിത്. തുടർച്ചയായ
38 മത്സരങ്ങളിൽ തോൽവിയറിയാതെ കുതിക്കുന്ന സ്പെയിൻ, സമീപകാല ഫുട്ബോൾ ചരിത്രത്തിലെ ഏറ്റവും അർഹിച്ച വിജയമാണ് അർജന്റീനയ്ക്കെതിരെ കുറിച്ചത്.നിശ്ചിത സമയത്ത് ഇരുടീമുകൾക്കും ഗോൾ കണ്ടെത്താനാകാതെ പോയതോടെ മത്സരം അധികസമയത്തേക്ക് നീളുകയായിരുന്നു.
മത്സരത്തിലുടനീളം സ്പെയിനിന്റെ വ്യക്തമായ ആധിപത്യമാണ് കാണാനായത്. പന്ത് കൈവശം വെക്കുന്നതിലും അക്രമണത്തിലും സ്പെയിൻ മുന്നിട്ടുനിന്നപ്പോൾ മെസ്സിക്കും സംഘത്തിനും കളിയിൽ താളം കണ്ടെത്താനായില്ല. മത്സരത്തിന്റെ 117-ാം മിനിറ്റിലാണ് മെസ്സിയിലൂടെ അർജന്റീനയ്ക്ക് ആദ്യമായി ഒരു ഗോൾശ്രമം പോലും നടത്താനായത് എന്നതിൽ നിന്ന് തന്നെ സ്പാനിഷ് പ്രതിരോധത്തിന്റെ കരുത്ത് വ്യക്തമാണ്. ലാമിൻ യമാൽ, ഡാനി ഒൽമോ, ഒയാർസബാൽ എന്നിവർ അർജന്റീനൻ ഗോൾമുഖത്ത് നിരന്തരം ഭീതി വിതച്ചപ്പോൾ, സ്പെയിൻ അടിച്ചുതൊടുത്ത 20 ഷോട്ടുകളിൽ ഭൂരിഭാഗവും തടുത്തിട്ടത് അർജന്റീനൻ ഗോൾകീപ്പർ എമിലിയാനോ മാർട്ടിനസിന്റെ മികച്ച സേവുകളായിരുന്നു.
മറുവശത്ത് അർജന്റീനയ്ക്ക് 3 ഷോട്ടുകൾ മാത്രമേ ലക്ഷ്യത്തിലേക്ക് ഉതിർക്കാനായുള്ളൂ. മത്സരത്തിനിടയിൽ സ്പാനിഷ് ക്യാപ്റ്റൻ റോഡ്രിയെ ഫൗൾ ചെയ്തതിനെച്ചൊല്ലി കളിക്കാർ തമ്മിൽ വാക്കേറ്റവും ഉന്തും തള്ളുമുണ്ടായത് ഫൈനലിന്റെ വീറും വാശിയും വർദ്ധിപ്പിച്ചു.
ഈ വിജയത്തോടെ ഫുട്ബോൾ ചരിത്രത്തിൽ സമാനതകളില്ലാത്ത മികച്ച നേട്ടങ്ങളാണ് സ്പെയിൻ സ്വന്തമാക്കിയത്. ഒരേ സമയം പുരുഷ, വനിതാ ലോകകപ്പ് ട്രോഫികൾ കൈവശം വെക്കുന്ന ചരിത്രത്തിലെ ആദ്യ രാജ്യമായി സ്പെയിൻ മാറിയെന്നതാണ് ഇതിൽ പ്രധാനം.
കൂടാതെ 2024-ലെ യൂറോപ്യൻ ചാമ്പ്യൻഷിപ്പ് കിരീടം ഉൾപ്പെടെ തോൽവിയറിയാതെ പൂർത്തിയാക്കുന്ന 38-ാമത്തെ മത്സരമാണിത്. സ്പാനിഷ് ഫുട്ബോളിന്റെ സുവർണ്ണ തലമുറ ലോക സിംഹാസനത്തിൽ വീണ്ടും വാഴുന്ന കാഴ്ചയ്ക്കാണ് കായികലോകം സാക്ഷ്യം വഹിച്ചത്.
0 Comments